Сөт җитештерү тармагында алдынгылар хөрмәтләнде

Кичә Зәй районы башлыгы Разиф Кәримов җитәкчелегендәге делегация Чаллыда «Агросила молоко» ҖЧШнең 50 еллык юбилеена багышланган чарада катнашты. Анда иң-иңнәрне бүләкләү тантанасы да булды.

Разиф Галиевич тантанада чыгыш ясап, әлеге тармакта хезмәт куючыларга ныклы сәламәтлек, энергия, рух ныклыгы теләде. Ә агросәнәгать комплексы тармагында озак еллар намуслы хезмәтләре өчен район башлыгы Мактау грамоталарын Гөлнара Уразмановага (зоотехник-селекционер), Федор Даниловка («Зәй» агрофирмасы лаборант — исәпчесе), Ирина Нәбиуллинага («Зәй шикәре» агрофирмасы лаборант исәпчесе) тапшырды. «Агросила молоко» ҖЧШ җитәкчесе Светлана Байрашевага район башлыгы Рәхмәте белдерелде.