Түбән Лоҗы апалары алма бәйрәме уздырды

- “Уңган хуҗабикәләр, ханымнар” түгәрәгенә йөрүче әби-апаларны  мәдәният йортыбызга чакырып,  бер рәхәтләнеп чәйләр эчеп, сөйләшеп, җырлашып та алдык. Апалар алмадан кышка нинди тәм-томнар әзерләүләре белән бүлештеләр, быел алма булмаса да, киләсе елга булыр Аллаһы боерса дип,  елларның иминлеге булсын дип теләдек”, - ди мәдәният йорты директоры Энҗүдә Исламова.

Клубка күрше генә яшәүче Наилә апага шушы көннәрдә 85 яшь тулган, аны түгәрәккә йөрүчеләр юбилее белән котлап, теләкләр җиткерделәр. Гомер буе бергә фермада сыер сауган Нәсимә һәм Гөлчирә апалар да килгән иде кичәгә.

“Алар эшләгән елларын, андагы төрле кызыклы хәлләрне сөйләшеп бик күңелле итеп утырдылар, рәхмәт килүләренә. Тагын да шундый матур очрашулар насыйп булсын дигән теләктә таралыштык”, - ди Энҗүдә Исламова.