Бигештә узган концертта күрше авыллар мәдәният хезмәткәрләре дә катнашты

Бәйрәм концерты сәхнәләштерелгән "Зәкия Сабантуе " белән башланып китте. "Зәкия Сабантуе" авыл халкын яшьлекләренә алып кайтты.
Кичәдә үзешчән сәнгатьтә катаншучылар үзләренең йөрәкләргә үтеп керә торган моңлы җырлары, дәртле биюләре, юморлары белән авылдашларын ял иттерде.
Куш-Елга авылы мәдәният йорты директоры Миләүшә Шәрипова, сәнгать җитәкчесе Ирина Васильева, Әхмәт  клубы җитәкчесе Резедә  Абрамова, Кадер клубы директоры Фәнзилә Боярова, Карман клубы җитәкчесе Рамилә Мөхәсимова, Бигеш егете Фәнис Нуретдинов, баянчы Мөдәррис Саматов, XI сыйныф укучысы Альзана Фәрхуллина әниләргә багышланган матур җырларын бүләк иттеләр.

“Күрше авыллардан килеп, Бигештәге концертта чышгыш ясаган  хезмәттәшләребезгә, шулай ук “Зәкия Сабантуе”н сәхнәләштергән авылдашларыбызга зур рәхмәтебезне белдереп, сәламәтлек, эшләрендә уңышлар, иминлек телибез”, - ди мәдәният хезмәткәрләре.